لنصيحة الأولى
عن ميكانيزمات الدفاع
طب إيه هي ميكانيزمات الدفاع دي؟؟
هي وسائل دفاعية يستخدمها الطفل للتعبير عن رفضه للوضع المفروض زى البكاء مثال لو ابنك انت وماشية في الشارع شاف لعبة عايز يشتريها وانت مش عايزة تشتريها له (لأي سبب الفلوس او معاه لعبة زيها وغيره) في الحالة دي هو هيحاول يستخدم وسائل دفاع عشان تجيبله اللعبة دي زي انه يبكي أو يصرخ وغيره هنا بيكون في نوعين من التصرف لحل الموقف:
الأول الاستجابة للطفل وإرضاء رغبته وشراء اللعبة له وفي الحالة دي الطفل بيعتقد ان وسيلة الدفاع اللي استخدمها (البكاء الصراخ)دي ناجحة وهي اللي وصلته للي هو عايزه وفي الحالة دي يبدأ يكررها في كل موقف.
ودة بيأكد القاعدة اللي بيقولها فريدريك سكنر (السلوك محكوم بنواتجه) فالنتيجة لو سارة هيتكرر السلوك والعكس.
الثاني: عدم الاستجابة لرغبة الطفل وتركه وفي الحالة دي ممكن يحرجني في الشارع قدام الناس.
طب الحل ايه : الحل اني لازم اعلم الطفل على نظام التعاقد السلوكي بمعنى احنا هنروح الملاهي لو انت في لعبة عجبتك او حاجة بتقول لماما وهي بتقرر متى نجيبها لكن لو بكيت أو صرخت على أي حاجة فانت محروم من الفسحة ومش هتاخد اللعبة.
لو قدرتي كأم تعلمي ابنك التعاقد السلوكي وتنفيذه هيريحك كتير في تربية الطفل، ومش هتعاني من مشاكل كتير معا في المستقبل.
ملحوظة للام: لازم الولد ميحسش بنقطة ضعفك فلو انت مثلا بتتحرجي من المواقف اللي بيعملها ابنك في الشارع لازم تبينى الأمر طبيعي وعادي لأن الولد في المرحلة دي بتنمو قدراته بسرعة جدا ولو عرف نقطة ضعفك هيلعب عليها على طول عشان يحصل على اللي عايزه.
كدة خلصنا نصيحتنا الأولى انتظرونا بكرة مع نصيحة أخرى.
#سلسلة_نصائح_تربوية
#أكاديمية_العباقرة
#أكاديمية_متخصصة_علميا_ومهنيا
#للتواصل_والاستفسار
#ت 01113595097
01093225240
https://www.facebook.com/Ismail01093225240